بلدى يارب

أنا كنت فى قمة حالات الاحباط قبل ما أشوف صورتك وانت ساجد على علم بلدى كنت خلاص بدات أفقد الأمل اننا هننجح ونحقق هدف الملايين دعو ربنا ورفعو ايديهم علشان يتحقق قلبي موجوع ومحروق على كل اللى ماتو معرفش لية يمكن فى ناس بتقول عليا متطرفة فى مشاعرى اوى بس مش قادرة انسي منظر الشباب اللى ماتو ولا اللى دهستهم عربيه الشرطة وعربية المطافى وعربيةالسفارة المسروقة مش قادرة اشيل من خيالى منظر الشاب الأعزل اللى انضرب بالرصاص ولاكانه خيل حكومة بيعدموة.. مش عارفة انسي ولا اهدى ولا اسامح بس الاحساس اللى مسيطر عليا انك ياحبيبي لو كنت هنا فى مصر يمكن الف بعد الشر عنك كان حصلك حاجة علشان كدة مش عارفة اهدى ولا اى حد ولا اى حاجة عارفة تهدينى ساعات اقول للى بيكلمنى انا هديت بس ببقى شايلة حرقة قلبي اللى بيغلى جوايا وساعات مبقدرش وبقول لأ والف لأ الساكت عن الحق شيطان أخرس وبترعش من كتر غضبي لما بسمع اى حد بيقول كلمة بس كويسة عن الراجل الظالم دة طول النهار الدنيا هنا بتمطر وانا بدعى لما قلبي بيبقى هيقف يارب خد لنا حقنا بس لما شفت صورتك يا أغلى انسان ليا فالدنيا قعدت اقول وعزتى وجلالى لانصرنكم ولو بعد حين وكررتها كتير اووى من غير ماحس ويقينى ان ربنا هياخد حقى وحقك وحق المصريين اللى بجد كلهم زاد وعارفة ان ربك يمهل ولا يهمل الله يجفظك ويحميك يا أحلى أخ فالدنيا